MTN-dəki dəstə taksi sürücüsünü necə müflis etdi ? - FİLM KİMİ OLAY

MTN-dəki dəstə taksi sürücüsünü necə müflis etdi ? - FİLM KİMİ OLAY

Ləğv olunmuş Milli Təhlükəsizlik Nazirliyinin (MTN) sabiq baş idarə və idarə rəisləri - general-mayor Sübahir Qurbanov, general-mayor Teymur Quliyev, general-mayor Natavan Mirvətova, eləcə də həmin qurumun digər vəzifəli şəxsləri Füzuli Əliyev, Zaur Məmmədov, Natiq Alıyev, Fərhad Atayev, Anar Şirəliyev, Eşqin Əliyev, Elşad Əzizovun cinayət işi üzrə maraqlı detallar ortaya çıxmaqdadır.



Bakıda taksi fəaliyyəti ilə məğul olan Zeynal Şəfiyev mütəşəkkil cinayətkar dəstənin hədə-qorxusu ilə yeganə evini sataraq canını onlardan qurtara bilib.

Zeynal Şəfiyev zərərçəkmiş şəxs qismində tanınıb. O, dindirilərkən ifadəsində göstərib ki, uzun müddət Bakı şəhərində taksi sürücüsü olub, 2011-ci ilin son aylarına kimi Bakı şəhəri, Nəsimi rayonu, Mir Cəlal küçəsində özünə məxsus evdə yaşayıb: "Həyat yoldaşım Povorova Larisa Alekseyevna 2002-ci ildə vəfat etdi, ondan sonra tək yaşayıram. 2011-ci ilin sentyabr ayında "Dəri-zöhrəvi" dispanserinin yerləşdiyi küçədə zərgər Yaşar Məmmədova həyat yoldaşımdan, qayınanamdan və atamdan yadigar qalmış "Luç" qızıl saatını, 1 ədəd qadın saatını, iki ədəd kulonu, bir ədəd üzüyü, bir ədəd nazik boyunbağını və bir ədəd qolbağı 1,480 ABŞ dollarına satdım. Pula ehtiyacım var idi".

Zərərçəkən şəxs qeyd edib ki, bir müddət keçəndən sonra kafedə oturan zaman ona MTN əməkdaşları yaxınlaşıb: "Evin yanındakı "Ciyərni" kafesində oturmuşdum. Birdən yanıma 3 nəfər yaxınlaşdı. Özlərini MTN əməkdaşı kimi təqdim elədilər. Həmin şəxslərin sonradan Füzuli Əliyev, Zaur Məmmədov və Natiq Alıyev olduğunu bildim. Məni MTN-ə aparmaq istədilər. Səbəbini bilmirdim. Tutulan zaman Natiq Alıyev mənə qarşı kobudluq elədi. Sinəmə yumruq zərbələri vurdu. Kafenin qarşısına sürüyərək çıxardılar. Natiq Alıyev məni bir aydan çox axtardığını dedi və cibindən çıxardığı qandalın bir qolunu mənim, digər tərəfini isə öz əlinə bağladı. Maşına mindirdilər. Yolda dedilər ki, "saxta qızıl satırsan, sənin barəndə şikayət var". Nazirliyə çatanda qeydiyyat kitabına adımı qeyd elədilər. Məni ikinci mərtəbəyə qaldırdılar. Orada Yaşar Məmmədov adlı MTN əməkdaşı məni sorğuya çəkdi. O, mənə saxta qızıl satdığımı dedi, heç vaxt görmədiyim 3 nəfər isə onlara qızıl verdiyimlə bağlı üzümə durdu. Təzyiqlə, hədə-qorxuyla izahat yazdırdılar. Daha sonra Natiq Alıyev yanıma gəldi, bu işi "həll etmək" üçün 15.000 ABŞ dolları pul tələb elədi. O boyda pulum olmadığından 12 min dollara razılaşdıq. Pulu tapmağım üçün sərbəst buraxıldım".

Zeynal Şəfiyev istintaqa verdiyi ifadəsində deyir ki, pulu uzun müddət tapa bilməyib: "Natiq Alıyev mənimlə görüşmək üçün dəfələrlə ev telefonuma zəng edərək, hər dəfə mənim olduğum yer barədə soruşurdu və 12 min dolları verməyimi tələb edirdi. Bu qədər pulum olmadığı üçün yaşadığım evi 55 min dollara satdım. Natiq Alıyevlə Müdafiə Nazirliyinin yaxınlığında görüşüb ona 12 min dollar verdim. Natiq dedi, sabah nazirliyə gəlim. Durub getdim, ikinci mərtəbəyə apardılar. Yaşar Məmmədov izahatımı gözümün qabağında cırdı, "get səninlə işimiz yoxdur" dedi".

Zərərçəkmiş şəxs başına gələn hadisələrlə bağlı dəfələrlə şikayət yazıb: "MTN-ə 2012-ci ilin sonlarında bir neçə dəfə ərizə yazsam da, ərizələrim araşdırılmadı. Yalnız bir dəfə MTN-nin Binəqədi rayon idarəsinin Elşən adlı əməkdaşı məni idarəyə çağırdı, izahatımı aldıqdan sonra ərizəmi Binəqədi RPİ-nin 6-cı Polis bölməsinə göndərdi. 2013-cü ilin yanvar ayında həmin bölmədə ərizəm araşdırılsa da, heç bir cavab gəlmədi. MTN-nin inzibati binasında olduğum zaman Fizuli Əliyev və Zaur Məmmədov özlərini sakit aparırdı, lakin Natiq Alıyev nazirliyin qabağında mənə dəfələrlə əl qaldırıb vurub, nalayiq sözlər demişdi. Hətta bu şəxslərin cinayətkar dəstə olması ilə bağlı bir neçə dəfə şikayət ərizəsi yazaraq MTN-nin binasına yaxınlaşıb orada müraciətlər üçün nəzərdə tutulmuş qutuya qoydum, lakin ona heç bir cavab gəlmədi".

Mənbə: milli.az
Şərh Yaz

Xəbər haqqında fikirlərinizi yazın

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent
Gözləyin...