Gənc oğlanla sevişən anasını öldürən oğula hökm oxundu – Azərbaycanda

Gənc oğlanla sevişən anasını öldürən oğula hökm oxundu – Azərbaycanda

Bakıda anasını öldürməkdə ittiham olunan 16 yaşlı Maarif Əliyevin cinayət işi üzrə məhkəmə başa çatıb.



Bakı Ağır Cinayətlər Məhkəməsində hakim Əhməd Quliyevin sədrliyi ilə keçirilən prosesdə prokuror Maarif Əliyevin 10 il müddətinə azadlıqdan məhrum edilməsini istəyib.

Zərərçəkən şəxsin hüquqi varisi Eldar Əliyev isə Maarif Əliyevə daha yüngül cəza verilməsini istəyib. Maarif Əliyev də son söz deyərək əməlindən peşman olduğunu deyib.

Məhkəmədə hökm oxunub. Hakimlər kollegiyasının hökmünə əsasən, Maarif Əliyev 10 il müddətinə azadlıqdan məhrum edilib.

Xatırladaq ki, Maarif Əliyevin babası Maarif Əliyev cinayət işi üzrə şahid qismində ifadəsində bildirib ki, Mədinənin böyük oğlu internetə girərkən anasının əsgərlikdən yeni gəlmiş gənclə söhbətləşdiyini görüb: “Oğlanı tanımırıq, sonradan şəklini görmüşük. Gəlinim oğlanla sevişirmiş. Oğlan nə deyibsə, bu da deyib ki, mən də səni sevirəm. Deyib ki, Sabunçuda nənəmgilə gələcəm, sən də gəl ora, söhbət edərik. Bunu da Mədinənin oğlu eşidib. Atəş açılanda heç birimiz səsi eşitməmişik. Hamımız evdə olmuşuq”.

Qeyd edək ki, qətl ötən ilin dekabrın 18-də Sabunçu rayonun Zabrat-2 qəsəbəsi, Oktyabr küçəsi 52 ünvanında, məcburi köçkünlərin məskunlaşdığı yataqxanada qeydə alınıb.

Orada məskunlaşmış Füzuli rayonundan olan məcburi köçkün, 16 yaşlı Maarif Əliyev anası, 1978-ci il təvəllüdlü Mədinə Qurbanovanı yatdığı yerdə güllələyib.

Daha sonra Maarif Əliyev polisə könüllü təslim olub. O, hadisədə istifadə etdiyi, babasına məxsus ov tüfəngini də polisə təhvil verib.

İfadə verən Maarif Əliyev qətli namus üstündə törətdiyini bildirib.

Qeyd edək ki, Mədinə Qurbanovanın 4 övladı var. Maarif Əliyev onun ortancıl oğludur.

Maarif Əliyev Cinayət Məcəlləsinin 120.1-ci (qəsdən adam öldürmə) maddəsi ilə ittiham edilir.

Mənbə: oxu.az
Şərh Yaz

Xəbər haqqında fikirlərinizi yazın

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent
Gözləyin...