Azərbaycanlı general: Ermənilər müharibəni yaxınlaşdırırlar

Azərbaycanlı general: Ermənilər müharibəni yaxınlaşdırırlar

“Ermənilər həmişə mülki insanlara atəş açıblar, dinc əhalini qətlə yetiriblər. Yaşayış obyektlərini, yaşlı insanları, qadınları, körpələri gülləbaran etmələri ermənilərin dədə-baba adətləridir. Amma bizimkilər heç zaman belə hərəkət etməzlər. İndi də Füzulidə insanları qətlə yetirməklə növbəti dəfə təxribata əl atıblar. Düzdür, ordumuz da ermənilərə kəskin şəkildə cavab verib. Ermənilər ordumuzu onların hərbi obyektlərinə cavab zərbələri endirməyə və onları susmağa vadar ediblər. Ermənilər özləri bununla müharibəni yaxınlaşdırırlar. Bizim haqqımız var ki, hər an bu müharibəni başlayaq, bununla onlar bizim haqqımızı bir az da gücləndirirlər”.



Bunu açıqlamasında sabiq hərbi birlik komandiri, ehtiyatda olan general-leytenant Yaşar Aydəmirov ötən gün Ermənistan silahlı qüvvələrinin Füzuli rayonunda mülki əhalini və mülki obyektləri atəşə tutması və günahsız insanları qətlə yetirməsi hadisəsini şərh edərkən deyib.

General ermənilərin ciddi-cəhdlə Azərbaycanı bilərək müharibəyə sövq etmələrinin səbəblərini belə açıqlayıb: “Bəli, onlar bunu bilərəkdən edirlər. Düzdür, Ermənistan bilir ki, bu müharibədə məğlub olacaq. Ancaq indiki məqamda onların marağı danışıqları uzatmaqdır. Çünki arxayındırlar ki, himayə edənləri müharibənin dərinləşməsinə imkan verməyəcəklər, Azərbaycana mane olacaqlar. Amma erməni ictimaiyyətinə özlərini elə göstərirlər ki, guya güclüdürlər. Guya Azərbaycan tərəfi atəş açır və onlar cavab verirlər, cəbhədə vəziyyət gərgindir. Qısası, bununla öz zibillərini ört-basdır etmək, daxildə stabilliyi qorumağa çalışırlar. Çünki bilirlər ki, ölkədə Ermənistan iqtidarına qarşı hər an onların hakimiyyətinə son qoya bilən kütləvi etiraz başlaya bilər”.

Qeyd edək ki, iyul ayının 4-də axşam saatlarında Ermənistan silahlı qüvvələrinin Azərbaycanın Füzuli rayonunun Alxanlı kəndinin müki əhalisinin və mülki obyektlərinin hədəflənmiş şəkildə və qəsdən 80 və 102 millimetrlik minaatanlardan və dəzgahlı qumbaraatanlardan atəşə tutması nəticəsində 1967-ci il təvəllüdlü Quliyeva Sahibə və onun nəvəsi 2 yaşlı Quliyeva Zəhra həlak olublar. Digər mülki şəxs 1965-ci il təvəllüdlü Quliyeva Sərvinaz yaralanıb və mülki obyektlərə zərər yetirilib.

Mənbə: milli.az
Şərh Yaz

Xəbər haqqında fikirlərinizi yazın

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent
Gözləyin...