Nazirlikdə vəzifə verilən müğənnidən kobud qayda pozuntusu

Nazirlikdə vəzifə verilən müğənnidən kobud qayda pozuntusu

Ötən gün müğənni Rüfət Axundovun Azərbaycan Respublikası Müdafiə Nazirliyinin sistemində işə başlaması ilə bağlı mediada xəbər yayıldı.



Sənətçi özünün sosial şəbəkədə paylaşdığı xəbərdə bildirirdi ki, o, Müdafiə Nazirliyinin Mərdəkan Hərbi İstirahət Evinin bölmə rəisi təyin edilib. Xəbərdə digər maraqlı nüans isə müğənninin sosial şəbəkədə paylaşdığı xidməti vəsiqəsində üzünün tüklü olmasıdır.

Məsələyə münasibət öyrənmək üçün müraciət etdiyimiz hərbi ekspert Üzeyir Cəfərovun sözlərinə görə, əksər güc strukturlarında o qədər lazımsız qurumlar mövcuddur ki, onların saxlanılması dövlətə çox baha başa gəlir.

Daha sonra Üzeyir Cəfərov 25 ilə yaxın keçmiş SSRİ Silahlı Qüvvələrində və sonra Azərbaycan ordusunda xidmət keçmiş zabit kimi Mərdəkan qəsəbəsində Hərbi İstirahət Evi adlı qurumun varlığından xəbərsiz olduğunu söylədi:

"Keçmiş sovetlər dönəmində rus general və admiralları çox xoşlayırdılar ki, kefləri istədikləri vaxt gəlib buralarda dincəlsinlər və onlar Mərdəkan tərəfdə keçmiş KQB, sonradan MTN adlı artıq tarixin yaddaşına qovuşan bir qurumun istirahət yerlərində stress atsınlar. Ötən gün mən eşidəndə ki, orada bizim Müdafiə Nazirliyinin də belə bir obyekti varmış, çox düşündüm. Axı bizim Göradil qəsəbəsində də hərbçilər üçün İstirahət Evi var və orada yaxşı-pis il ərzində zabit və ya gizirlərin, MAXE-lərin istirahəti təşkil olunur. İndi əsas məsələnin üstünə gəlirəm. Hesab edirəm ki, müğənni Rüfət Axundovun bu hərəkəti kobud qanun pozuntusudur və MN-nin müvafiq qurumları bu məsələ ilə bağlı müğənniyə öz ciddi iradlarını bildirəcəklər. Ümumiyyətlə hərbi struktura aid şəxslərin öz xidməti və ya digər sənədlərini açıq mətbuatda dərc etmələri əsla yolverilməzdir. Hər halda, hərbi sahəyə aid olan qurumlarda bizim kifayət qədər fiziki imkanları olan keçmiş zabit və gizirlərimiz var ki, onların belə vəzifələrə təyinatı daha məqsədəuyğundur. Bütövlükdə götürəndə, mən hesab edirəm ki, o artıq bir qurumdur və onun, eləcə də digər güc strukturlarında çoxsaylı bu tipli lazımsız müəssisələrin ixtisara salınması düzgün olardı."-deyə, Üzeyir Cəfərov vurğuladı.

Mənbə: mybaku.az
Şərh Yaz

Xəbər haqqında fikirlərinizi yazın

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent
Gözləyin...